«Liverpul» va Misr terma jamoasi hujumchisi Muhammad Saloh o‘z terma jamoasiga Afrika Millatlar Kubogi saralash bosqichining 6-turida Komorga qarshi o‘yinda g‘alaba qozonishda yordam berdi (4:0). 28 yoshli hujumchi mazkur uchrashuvda dubl qayd etdi.

Goal.com xabariga ko‘ra ushbu uchrashuvdagi ikkinchi gol Muhammad Salohning terma jamoadagi 43-goli bo‘ldi. Ushbu ko‘rsatkich bo‘yicha u Hasan El-SHazlidan (42) oldinda o‘tib ikkinchi o‘rinni egalladi. Misr jamoasining eng yaxshi to‘purari hamon Husam G‘asan bo‘lib, uning hisobida 68 ta gol bor.

Ma’lumot uchun, Saloh 2011 yildan beri Misr terma jamoasiga chaqirilmoqda. Hujumchi 2017 yildan buyon «Liverpul» sharafini himoya qilib keladi va bungacha u «Roma», «Fiorentina», «Chelsi» va «Bazel» safida o‘ynagan.

Olti turda 12 ochko to‘plagan Misr terma jamoasi Afrika Millatlar Kubogi saralashining G guruhida birinchi o‘rinni egallab turibdi. Komor orollari esa peshqadamdan uch ochko orqada qolgan hoda ikkinchi o‘rinni egallab turibdi. Mazkur kvartetda shuningdek, Keniya (7) va Togo (2) terma jamoalari ham bor.