Bir necha soat oldin "Humo arena"da katta boks oqshomi bo‘lib o‘tdi. Unda 8 nafar bokschimiz ringga ko‘tarildi va ularning barchasi g‘alaba qoziondi. Shuningdek, birinchi bo‘lib ringga chiqqan Iqboljon Xoldorov jangdan so‘ng o‘z fikrlarini bildirib o‘tdi.
"Avvaliga raqibim ukrainalik bokschi edi, keyin raqib o‘zgardi. To‘g‘risi meni jangim olti raundli edi. Bu jangda faqat g‘alaba haqida o‘yladim. Hatto nechi raundli ekani ham xayolimda yo‘q edi. Faqat o‘zimning tayyorgarligim evaziga chiroyli g‘alaba qo‘lga kiritishni maqsad qilgan edim.
O‘zim kutganday jang qildim. Balki, O‘zbekistonda va o‘z muxlislarimni ko‘z oldida jang olib borganim menga yordam bergandir va men qandaydir hayajon va ha havotirni his qilmadim.
Bundan keyin 12 raundli janglarda ham harakat qilishim mumkin va shunga yarasha tayyorgarlik va mashg‘ulotlar qilib, oxirgacha yaxshi janglar taqdim etamiz".
