Yevro-2020 musobaqasi o‘zining hal qiluvchi pallasiga kirib bormoqda.
Musobaqaning chorak final juftliklari ma’lum bo‘lganidan xabaringiz bor. Birinchi yarim final yo‘llanmasi uchun Shvesariya va Ispaniya terma jamoalari kurash olib borishadi.
Keling, 2 iyul kuni Toshkent vaqti bilan 21:00da boshlanadigan o‘yindan oldin jamoalarning shu bosqichga qadar bosib o‘tgan yo‘li va qo‘shimcha ma’lumotlar bilan tanishib olamiz.
SHVESARIYA
Shvesariya terma jamoasi "A" guruhida Italiya, Uels va Turkiya termalari bilan bellashdi va yakunda 4 ochko to‘plagan holda uchinchi o‘rin bilan pley-offga yo‘l oldi. To‘plar nisbati: 4-5.
"A" guruhi natijalari
12/06 Uels 1:1 Shvesariya (Boku)
16/06 Italiya 3:0 Shvesariya (Rim)
20/06 Shvesariya 3:1 Turkiya (Boku)
Nimchorak final
28/06 Fransiya 3:3 Shvesariya (penaltilar seriyasi 4:5) (Buxarest)
Chorak final
02/07 Shvesariya - Ispaniya (Sankt-Peterburg)
Shvesariya terma jamoasi to‘purari Harris Seferovich (3 gol).
Yevropa chempionati saralashida 8 o‘yinda 5 g‘alaba, 2 durang va 1 mag‘lubiyat qayd etgan. To‘plar nisbati: 19-6.
Yevro saralashidagi to‘purar Sedrik Itten (3).
Shu paytga qadar Shvesariya Yevropa chempionatidagi eng yaxshi natijasini Yevro-2016 da qayd etgan. Jamoa nimchorak finalga qadar yetib borgan va Polsha bilan bahsda penaltilar seriyasida (1:1, pen. 4-5) mag‘lubiyatga uchragandi.
Shvesariya bosh murabbiyi Vladimir Petkovich 2014 yildan beri terma jamoani boshqarib kelmoqda. O‘shandan beri shvesariyaliklar yirik musobaqalarning barchasida muntazam ishtirok etib kelishmoqda.
Asosiy o‘yinchi: Jerdan Shakiri
Jamoaning miyasi, haqiqiy o‘zgarish qila oladigan futbolchi. Uning Turkiya bilan o‘yindagi dubli jamoasini pley-offga olib chiqdi. Hujumchilar ortida hujumdagi bo‘shliqni to‘ldirgan holda sifatli hujumga o‘tishni kafolatlaydi.
O‘yinini kuzatish kerak bo‘lgan futbolchi: Bril Embolo (24 yosh).
Jarohatlardan keyin 2019 yilda Myonxengladbaxning "Borussiya" jamoasida porlagan hujumchi kuchli, ko‘p qirrali va yuqori bilan tezligi bilan ajralib turadi.
Bilasizmi?
Shvesariya Petkovich qo‘lostida musobaqalarning barchasida guruhdan chiqishni uddalagan va bu safar birinchi marta pley-offda Fransiya ustidan g‘alaba qozonib yurishini davom ettiradigan bo‘ldi. Bunga qadar 2014 yildan beri barcha yirik musobaqalarda jamoa pley-offdayoq to‘xtagan.
ISPANIYA
Ispaniya terma jamoasi "E" guruhida Shvesiya, Polsha va Slovakiya termalari bilan bellashdi hamda 5 ochko to‘plagan holda ikkinchi o‘rin bilan pley-offga yo‘l oldi. To‘plar nisbati: 6-1.
"E" guruhi natijalari
14/06 Ispaniya 0:0 Shvesiya (Sevilya)
19/06 Ispaniya 1:1 Polsha (Sevilya)
23/06 Slovakiya 0:5 Ispaniya (Sevilya)
Nimchorak final
28/06 Xorvatiya 3:5 Ispaniya (ekstra taymlar) (Kopengagen)
Chorak final
02/07 Shvesariya - Ispaniya (Sankt-Peterburg)
Ispaniya terma jmaoasi to‘purarlari: Alvaro Morata, Pablo Sarabiya, Ferran Torres (2 gol).
Yevropa chempionati saralashida 10 o‘yinda 8 g‘alaba va 2 durang qayd etgan. To‘plar nisbati: 31-5.
Yevro saralashidagi to‘purarlar: Alvaro Morata, Serxio Ramos, Rodrigo (4).
Shu paytga qadar Ispaniya terma jamoasi uch marta (1964, 2008, 2012) Yevropa chempioni bo‘lgan.
O‘tgan musobaqada esa nimchorak finalda Italiyaga mag‘lub bo‘lib (0:2) yurishini to‘xtatgan.
Ispaniya termasi bosh murabbiyi Luis Enrike 2019 yildan beri "qizil furiya"ni boshqarib kelmoqda. U avval "Barselona" bilan 2015 yilda UYEFA Chempionlar ligasida g‘olib chiqqan.
Asosiy o‘yinchi: Jerar Moreno
Faoliyati davomida eng ishonchga to‘lgan va Yevropa ligasining amaldagi g‘olibi. O‘ng qanot hujumida o‘ynaydigan chapaqay futbolchi yolg‘on to‘qqizlikda ham ancha xavfli. Shuningdek, jamoasi hujumlarini tashkil qila oladigan 10 raqamli o‘yinchi hamdir.
O‘yinini kuzatish kerak bo‘lgan futbolchi: Pedri (18 yosh).
Yillar davomida juda ko‘plab iqtidorli futbolchilar yetishib chiqqan bo‘lsa-da, 18 yoshida kichik jussasi bilan birinchi to‘liq mavsumidayoq "Barselona" yarim himoya chizig‘ida hukmronlik qila oladigan o‘yinchilar juda kam. Uning futbol intellekti aqlbovar qilmas darajada yuqori.
Bilasizmi?
Ispaniya Yevropa chempionatida chempionlik sovrinini muvaffaqiyatli tarzda himoya qila olgan yagona terma jamoa hisoblanadi, 2012 yilda.
