Tokio Olimpiadasining badiiy gimnastika bahslarida ishtirok etishi kutilgan Sabina Tashkenbayevaning koronavirusga chalingani tufayli delegasiyamiz tarkibida o‘zgarish ro‘y bergandi.
Ushbu voqeadan so‘ng Sabinaning o‘zi fikr bildirdi. «Tokioda Olimpiya o‘yinlari davom etmoqda. Bu musobaqalarda O‘zbekiston gimnastika terma jamoasi safida men ham ishtirok etishim kerak edi.
Ammo koronavirus meni ham chetlab o‘tmadi va ketish oldidan topshirgan test tahlilim ijobiy chiqdi. Shu sababli ham men Tokioda bo‘lib o‘tayotgan Olimpiya o‘yinlarida ishtirok eta olmayman.
Meni o‘rnimga Olimpiadada Yekaterina Fetisova ishtirok etadi, unga bo‘lajak musobaqada omad tilayman. Biz murabbiyim bilan Olimpiadada ishtirok etish uchun borimizni bergan edik va qiyinchilik bilan yo‘llanma olgandim.
Afsuski, unda qatnasha olmaydigan bo‘ldim. Hozir men uchun juda ham qiyin davr. Milliy Olimpiya qo‘mitasi, federasiya mutasaddilari, murabbiylarim va meni qo‘llab turgan boshqa barchaga minnatdorchilik bildirib qolaman», – deydi Sabina Tashkenbayeva.
