«Fiorentina» prezidenti Rokko Komisso hujumchi Federiko Kyezaning «Yuventus»ga o‘tishi haqida gapirdi.

Uning so‘zlariga ko‘ra, «Yuventus» va boshqa grandlar ancha kuchsiz o‘yin ko‘rsatishmoqda. Ular futbolchilarga juda ko‘p pul taklif qilmoqdalar.

«U kabi klublar Federikoni bizdan o‘g‘irlab, pul bilan aldashyapti. Albatta biz bilan «Yuventus» o‘rtasida katta farq bor.

Qancha ko‘p daromad bo‘lsa, shuncha ko‘p pul sarflashingiz mumkin. Ularda maosh uchun 300 million yevro hech gap emas, bizda esa bu uzog‘i borsa 70 million bo‘lishi mumkin. Pul hamma narsani hal qiladi.

«Yuventus», «Barselona» va «Inter» o‘z kreditlari evaziga iflos biznes bilan shug‘ullanmoqdalar», - deya xulosa qiladi Komisso.