"Arsenal"ning afsonaviy murabbiyi Arsen Venger jamoasining ikki sobiq o‘yinchisi Jek Uilsher hamda Aron Remzilarning daxshatli jarohatlari uchun aybdor ekanini ta’kidladi. Remsi bir paytlar APLda "Stok Siti"ga qarshi o‘yinda oyog‘ini sindirgan edi.

Uilsherni esa to‘pig‘idan olgan jarohati sabab, butun faoliyati ortga ketgandi. Bu haqda Vengerning o‘zi shunday deydi:

"Men hozirgi futbolda ko‘proq ijobiylikni ko‘raman. Negaki avvallari maydonda qo‘polliklar ko‘p edi va OAVlar ham bunga ruxsat bergandi. Hozirda VAR  hujumkor futbolga yaxshiroq imkoniyat bera boshladi. Oldinlari iste’dodli futbolchilarni maydonda tez-tez jarohatlab turishardi. Nega?  Negaki, ular o‘yinni o‘zgartirib yubora oladigan qudratga ega. Bu yoqimli narsa emas. Biz aynan shu kabi narsalarga qarshi kurashayotgan edik. Biz ("Arsenal") doimo yaxshi natijalarga harakat qilardik. Yuqoridagi kabi holatlar esa ba’zida bizga umidsizlik berardi. Jek va Aron kabi faoliyati boshidayoq jarohat olgan futbolchilarga nazar solsam, murabbiylar bu borada futbolchilar oldida naqadar ma’suliyatli ekanini his qilaman. Men ularni asrashim kerak edi".

Eslatib o‘tamiz, Mikel Arteta boshchiligidagi "kanonirlar" Chorshanba kuni Angliya liga kubogi doirasida "Uimbledon" klubiga qarshi bahs yuritadi.