PSJ bosh murabbiyi Maurisio Pochettino Chempionlar Ligasi guruh bosqich 3-turidan o‘rin olgan «Leypsig»ga qarshi uchrashuvdan oldin o‘z fikrlarini bildirib o‘tdi.

«Leypsig» ham biz ham, ushbu o‘yinda g‘alaba qozonishimiz kerak. Guruhda yetakchi bo‘lib qolishimiz uchun uch ochkoni qo‘lga kiritishni istaymiz. Ular ko‘plab sifatli o‘yinchilarga ega juda ham shijoatli jamoa. Ular tajovuzkor va yaxshi natija uchun kurashishadi. Bu og‘ir o‘yin bo‘ladi va shubhasiz himoyada tartibli o‘yin namoyish etishimiz kerak bo‘ladigan oraliqlar ham bo‘ladi. Ma’lum vaziyatlardan chiqib ketishimiz uchun to‘plardan oqilona foydalangan holda ishlashimiz kerak va ularning qarshi hujumiga sha’y bo‘lishimiz lozim. Bu bizga qimmatga tushishi mumkin. Ularga qarshi hujumda o‘ynay ham olamiz, ammo to‘p nazorati ham ahamiyatli. To‘p nazorati boy berilganda nima sodir bo‘lishiga qarab o‘yin taqdiri hal etilishi mumkin.

«Anje»ga qarshi oxirgi o‘yinimizda g‘alaba qozondik. Shunday ekan, «Renn»ga qarshi natija unutildi. Xalqaro tanaffus mobaynida bir nechta futbolchilaridi uchta o‘yinda maydonga tushishdi. Shuning uchun, mashg‘ulotlarda shug‘ullanish uchun ko‘p vaqtimiz bo‘lgani yo‘q. Qattiq mehnat qilishga harakat qilmoqdamiz va g‘oyalarimizni singdiryapmiz. Ammo, bunga vaqt kerak. Yaxshilanishda davom etamiz.

Biz dunyo darajasidagi o‘yinchilar haqida gapiryapmiz. Ular o‘zaro gaplashishadi va hozirgi vaqtda o‘zlarini qanday his qilayotganliklarini bildirish uchun bir-birlariga imkoniyat berishadi. Har bir futbolchi yuklatilgan vazifani bajarishga qodir va buni hali qilish o‘zlariga bog‘liq. Jahonning eng yaxshi futbolchisi haqida gaplashishganida, biror bir iyerarxiya mavjud emas. Ular o‘zlari uchun qaror qilishlari tabiiy holat", — dedi Pochettino.

PSJ himoyachisi Presnel Kimpembe ham «Leypsig»ga qarshi bahs oldidan o‘z fikrlari bilan bo‘lishdi.

"Ular qanday yaxshi jamoa ekanliklarini bilamiz. Oson o‘yin bo‘lmaydi. Raqib jamoa tarkibida o‘ynaydiganlar orasida do‘stlarim bor. Masalan, sifatli futbolchilardan biri Kristofer Nkunku. U uzoq yo‘lni bosib o‘tdi va hozirda haqiqatan ham buyuk o‘yinchi. Seshanba kuni bizni yaxshi o‘yin kutib turibdi va uni yana ko‘rishni sabrsizlik bilan kutyapman. «Leypsig» - yevrokuboklarda buyuk ishlarni amalga oshira oladigan jamoa".