Chempionlar Ligasi guruh bosqich 3-turidan o‘rin olgan «Chelsi» - «Malmyo» bahsida 4:0 hisobi qayd etildi. Uchrashuvda gollarni Kay Xaverts, Jorjinyo (dubl) va Kristensen kiritishdi.

«Chelsi» bosh murabbiyi Tomas Tuxel uchrashuvdan keyin o‘z fikrlari bilan bo‘lishdi.

"O‘yinni yaxshi borishini ta’minladik, chunki ko‘plab to‘plarga kurashda intensivlik bilan g‘alaba qozondik. O‘zimizdan uch ochkoni talab qildik, sababi bunga loyiq edik va shunga munosib ajoyib o‘yin ko‘rsatdik. Juda ham xursandmiz".

Birinchi bo‘limda Lukakuning olgan jarohati haqida: "Yangi yechimlar topishimiz kerak. Pozitiv yondashadigan bo‘lsak, Romelu va Timosiz ham o‘yinlarda g‘alaba qozondik. Bu kabi muammolar juda tez-tez bo‘lishini istamaymiz. Ammo, mavsum davomida bu sodir bo‘lishini oldini olish qiyin. O‘z imkoniyatlarini kutib kelgan yigitlar bir pog‘ona ko‘tarilishlari va rivojlanishlari kerak".

«Chelsi» yarim himoyachisi Kay Xaverts: "Stadionimzda to‘rt gol urish yaxshi. Bu katta ishonch beradi. Kallum Xadson-Odoi ajoyib uzatma berdi va yaxshi gol kiritdim. Darvozabon yerga yotishini bilardim, shuning uchun uning ustidan oshirish yagona tanlov edi".

Uchrashuvning eng yaxshi futbolchisi deb topilgan Jorjinyo: "O‘yinimdan xursandman, lekin eng muhimi - g‘alaba qozonganimiz. Ishni a’lo darajada bajardik. Natijani ko‘rganingizda oson tuyulishi mumkin, lekin jamoa mazkur bahsga bor e’tiborini qaratdi va yirik g‘alaba uchun haqli edik".

«Chelsi» himoyachisi Andreas Kristensen londonliklar safidagi 137-o‘yinida va nihoyat o‘zining klubdagi debyut golini kiritdi: "Ular bizni yomon ahvolga solishdi. Yuqori darajada o‘yin namoyish etishimiz kerak edi, har birimiz. Uzoq vaqt davomida to‘pga ega bo‘la olmaganimizda asabiylashganimiz rost. O‘ynagan har bir futbolchi himoyalanishga hujum qilishdan ko‘proq quvvat ketishini biladi".

«Malmyo» himoyachisi Martin Olsson: "Qiyin o‘yin bo‘lishini bilardik, chunki ular balki dunyoning eng yaxshi klubidir. Biz harakat qildik, ammo bu kecha bizga atalmagan edi.

Yaxshi tomonlarini ko‘radigan bo‘lsak: Chempionlar Ligasidamiz va bu darajada hech qachon o‘ynamagan futbolchilarimiz ko‘p. Bunday jamoalarga qarshi o‘ynash yigitlar uchun yaxshi tajriba bo‘ladi. Bulardan o‘rganamiz - bunday muxlislar va bu kabi stadionlarda o‘ynash doim ajoyib".

Yana bir qiziq fakt shuki, «Chelsi» darvozaboni Eduar Mendi Chempionlar Ligasining 15 o‘yinida 11 marta darvozasi dahlsizligini saqlab qolishga muvaffaq bo‘ldi.