"Manchester Yunayted" himoyachisi Diyego Dalot faoliyatini "Roma"da davom ettirishi mumkin, deya xabar berdi jurnalist Nikolo Skira.
Ma’lumotlarga ko‘ra, "Roma" 22 yoshli portugaliyalik futbolchini qishda sotib olish sharti bilan ijaraga olmoqchi. Himoyachining o‘zi avvalroq ingiliz klubida qolishni istayotgani ma’lum qilingandi.
Joriy mavsum Dalot "qizil iblislar" safida 6ta o‘yin o‘tkazib, jami 316 daqiqa maydonda harakat qilgan. "Transfermarkt" portali futbolchining narhini 10 million yevroga baholagan.
