UEFA Yevropa ligasining guruh bosqichidan o‘rin olgan «Vest Xem» va «Rapid» jamoalari o‘rtasidagi o‘yinda mezbon jamoa muxlislarining stadionga kirishini taqiqladi. Bu haqda "bolg‘achilar" rasmiy sayti xabar tarqatdi.

Bunga jamoa ishqibozlarining «Genk»ka qarshi bo‘lib o‘tgan safardagi o‘yinda (2:2) o‘zlarini tutishi sabab bo‘ldi. Bu bahsda angliyalik muxlislar stadionda tartibsizlikni yuzaga keltirgandi. Shuningdek, «Vest Xem» 34 500 yevro miqdorida jarimaga tortildi. Jamoa UEFAning ushbu qarori yuzasidan bayonot berdi.

«Klub UEFAdan ushbu qaror yuzasidan zudlik bilan izoh talab qiladi. Ayniqsa, o‘yinga kam vaqt qolganidan chiqarilgan jazo chorasi o‘yinga chipta xarid qilishga ulgurgan va Avstriyaga borish masalasini hal qilib qo‘ygan fanatlariga bu yomon ta’sir qiladi.

Ushbu jazo chorasi bizni hayron qoldirdi, o‘zini tartibli tutgan va butun o‘yin davomida jamoamizni qo‘llab-quvvatlab turgan muxlislarning hafsalasini pir qildi.

Klub UEFAdan ushbu jazo chorasi yuzasidan yozma izoh berishni talab qildi va so‘rovimizga imkon qadar javob berishini so‘radi. Javobning kechikishi klub muxlislariga salbiy ta’sir ko‘rsatishi mumkin», — deyiladi bayonotda.

«Rapid» — «Vest Xem» uchrashuvi 25 noyabr kuni Vena shahrida bo‘lib o‘tadi. Angliyaliklar 10 ochko bilan "H" guruhida peshqadam bo‘lib turishibdi.