"BBC" ma’lumotlariga ko‘ra, "Chelsi" 2021 yil 30 iyunda yakunlangan moliyaviy yil uchun soliqlardan keyin 145,6 million funt sterling zarar ko‘rgan.

Manba bergan xabarga ko‘ra, "Chelsi"ning aylanmasi teleko‘rsatuvlardan tushgan daromadlar tufayli 387,8 million funtdan 416,8 millionga ko‘tarilgan.

London klubi zarar ko‘rishining asosiy sabablari qatorida koronavirus tufayli o‘yinlarni tomoshabinlarsiz o‘tkazish va futbolchilarni sotishdan tushgan daromadning kamaygani ham bor.

“Aristokratlar” klub egasi Roman Abramovichga tegishli "Fordstam Limited" kompaniyasidan moliyaviy yordam olishda davom etmoqda. Hisobotlar "ko‘klar" "tegishli kompaniyalar" dan 1 milliard funt sterlingdan ortiq qarzdorligini tasdiqlaydi.

30 iyundan buyon londonliklar jami 109,7 million funt sterlingga uchta futbolchini sotib olishdi: hujumchi Romelu Lukaku, darvozabon Markus Bettinelli va yarim himoyachi Saul Niges.

Xuddi shu davrda ular 13 nafar futbolchini jami 103,7 million funt sterlingga sotishdi. Shu bilan birga, "Chelsi" yana 16,4 milliongacha futbolchilar transferidan bonus olishi mumkin.