«Yuventus» bosh murabbiyi Massimiliano Allegri «Roma» ustozi Joze Mourinyoning rimliklar bilan o‘yin oldidan ishiga yuqori baho berdi.
«Yuventus» uchun «Roma» bilan o‘yin har doim qiyin bo‘lgan, bu jamoada individual uslub bor. Biz raqobatbardoshligimizni va texnik iqtidorimizni ko‘rsatishimiz kerak, yaxshi tayyorgarlik ko‘rishimiz kerak. Tarkibda o‘zgarishlar bo‘ladi, chunki ba’zi futbolchilar juda ko‘p o‘ynagan.
«Yuventus» murabbiyi sifatida bir-ikki yildan so‘ng chempionlik poygasiga qaytish uchun ko‘p mehnat qilishimiz kerakligini bilardim. «Roma» bizdan 3 ochko ortda qolmoqda, Mourinyo o‘z ishini yaxshi bajarmoqda. Bir necha oy ichida hamma narsani o‘zgartira olmaysiz, hech kim mo‘’jizalar yarata olmaydi.
O‘yin sifati yaxshilanadi, buning uchun biroz sabr kerak va men bu haqda bilardim. Men bundan qo‘rqmayman, hammasi joyida. Tabiiyki, hamma g‘alaba qozonishni xohlaydi, ammo chempionlik uchun kurashish uchun jamoani qurishni yakunlash kerak", - deydi Allegri.
