Bugun, 16 yanvar kuni Ar-Riyod (Saudiya Arabistoni) shahridagi “Qirol Fahd” stadionida Ispaniya Superkubogi finali “Atletik” – “Real” uchrashuvi bo‘lib o‘tdi. “Qaymoqranglilar” g‘alaba qozonishdi – 2:0.
38-daqiqada yarimhimoyachisi Luka Modrich hisobni ochdi, unga Rodrigo yordam berdi. Uchrashuvning 52-daqiqasida “Real” hujumchisi Karim Benzema penaltidan jamoasining ustunligini ikkitaga oshirdi.
87-daqiqada bosh hakam Sezar Soto Grado “Real” himoyachisi Eder Militaoni o‘z jarima maydonchasi ichida qo‘l bilan to‘p surgani uchun maydondan chetlatdi va shundan so‘ng “qirollik klubi” darvozasiga 11 metrlik zarba belgiladi. Ammo, “Atletik” yarimhimoyachisi Raul Garsiya Tibo Kurtuani alday olmadi.
“Atletik” turnirning 1/2 finalida “Atletiko Madrid”ni mag‘lub etib (2:1) Ispaniya Superkubogi finaliga chiqdi. “Real” esa o‘z navbatida qo‘shimcha bo‘limlarda “Barselona”dan ustun keldi (3:2).
“Atletik” — “Real Madrid” – 0:2
Gollar: 0:1 – 38 Modrich, 0:2 – 52, penalti Benzema.
“Atletik” – Unai Simon, De Markos, Martines, Yeray Alvares, Balensiaga (Berchiche, 58), Dani Garsiya, Sarraga (Vesga, 58), Sanset (Raul Garsiya, 58), Berenger (Uilyams, 46), Uilyams, Muniain (Serrano, 81).
“Real Madrid” – Kurtua, Alaba, Militao, Mendi, Modrich, Kroos, Kazemiro, Vaskes (Nacho, 90), Benzema, Vinisius Junior (Marselo, 86), Rodrigo (Valverde, 64).
Ogohlantirish: Dani Garsiya (77), Yeray Alvares (90).
Chetlatish: Militao (87).
