Rimning «Roma» klubi sobiq futbolchisi Roberto Prusso jamoa hujumchisi Temmi Abraxam haqida fikr bildirdi. «Bo‘rilar»ning afsonaviy futbolchisi angliyalik hujumchi yaxshi o‘yin namoyish etayotganini aytdi.

«Ba’zan u juda egoistga aylanib qoladi, ba’zan esa birgina xato undagi ishonchni yo‘q qiladi. U xotirjam bo‘lishi kerak. Abraxamda menga yoqadigan sifat bor. U jismoniy jihatdan kuchsiz va juda ko‘p yiqiladi, lekin, shu bilan bir qatorda o‘rnidan tura oladi. Bu uning haqiqiy kurashchi ekanligini anglatadi», – Prussoning so‘zlaridan iqtibos keltirmoqda Football Italia.

Joriy mavsum Abraxam A Seriyada 22 ta uchrashuv o‘tkazib, 10 ta gol kiritdi va uchta golga assistentlik qildi.