Fransiyaning «PSJ» rahbariyati jamoa Fransiya Kubogining 1/8 final bosqichida "Nissa" jamoasiga imkoniyatni boy berib, turnir bilan xayrlashganiga qaramay, jamoa bosh murabbiyi Maurisio Pochettinoni o‘z lavozimida saqlab qolmoqda.

Muvaffaqiyatsiz o‘yin ko‘rsatganiga qaramay, argentinalik muxatassisning "PSJ"dagi o‘rni kuchli. Klub rahbariyati uning iste’fosi variantini ko‘rib chiqmayapti, deb yozmoqda RMC Sport.

Fransiya Kubogidan chiqib ketganidan so‘ng, parijliklar bor e’tiborini bu mavsumda jamoa oldidagi boshqa maqsadlarga qaratmoqchi. Chempionatda «PSJ» 11 ochko bilan peshqadamlik qilmoqda, Chempionlar ligasining 1/8 finalida «Real» bilan to‘qnash keladi.

«PSJ» rahbariyati Pochettinoni iste’foga chiqarishni rejalashtirmayapti, chunki bu jamoaga zarar yetkazadi va diqqatini o‘z maqsadlariga qaratishga xalaqit beradi deb hisoblamoqda.

Argentinalik murabbiy «PSJ»ni 2021 yilning yanvar oyida qabul qilib olgandi. Uning qo‘l ostida jamoa o‘tgan mavsum chempionlik uchun kurashda «Lill»ga yutqazdi, yarim finalda «Manchester Siti»dan mag‘lubiyatga uchrab, Chempionlar Ligasidan chiqib ketdi, ammo Fransiya Kubogi va Superkubogini qo‘lga kiritdi.