2019 yilning 21 yanvarida argentinalik hujumchi Emiliano Salaning hayoti fojiali tarzda yakunlangandi.
U Uelsning Kardiff shahriga ketayotib, aviahalokatda halok bo‘lgandi. Sala endigina Fransiyaning «Nant» klubidan "Kardiff" klubiga 15 million funtga transfer qilingandi va shartnoma imzolash uchun ketayotgan bo‘lgandi.
Voqea sodir bo‘lganiga ikki yil bo‘lganiga qaramay, jinoyat ishi jarayonida sud-tibbiy ekspertiza hali yakunlanmagan va Ispaniya matbuoti uning so‘nggi natijalarini e’lon qildi.
Salaning jasadi toksikologik tekshiruvdan o‘tkazildi. Tekshiruv davomida marhum futbolchining qonidagi alkogol miqdorini aniqlash uchun yonbosh-son tomiridan qon namunalari olindi, shuningdek, uning DNKsini aniqlashga mo‘ljallangan tana bo‘shlig‘idan qon tahlili o‘tkazildi.
Sinov natijalari qonda uglerod oksidi bilan to‘yinganlikning 58% darajasini ko‘rsatdi, bu mutaxassislarga Sala tanasining uglerod oksidi bilan jiddiy zaharlanishi haqida gapirish imkonini beradi.
Hodisani tergov qilish ishtirokchisi bo‘lgan patolog Bazil Perduning aytishicha, futbolchi boshidagi va tanasidagi jarohatlar tufayli vafot etgan, ammo o‘limdan oldin u katta dozalarda karbonat angidridga duchor bo‘lgan. Samolyot urilganda, u allaqachon chuqur koma holatida bo‘lgan bo‘lishi mumkin.
Eslatib o‘tamiz, avvalroq sud futbolchining parvozini tashkil etgan tadbirkorni aybdor deb topgandi.
