«Ayaks» joriy mavsum ichki chempionatda muxlislari kutgan o‘yinni namoyish eta olmayapti. Jamoa turnir jadvalida birinchi o‘rinda ketayotgan bo‘lsada, to‘plar orasidagi farq ayni dam ko‘pchilikning e’tiboriga tushgan. 

Bu yaxshi emas albatta. Yanvar oyi o‘rtalarida jamoaning Gollandiya chempionatidagi o‘rni haqida gapirgan edik. O‘shanda «Ayaks» 56:4 to‘p farqi bilan turnir jadvalida ikkinchi o‘rinni band etgan edi. Hozir oradan bir oy o‘tdi. Klub kutilganidek, haqli ravishda jadvalda birinchi bo‘lib turibdi. Biroq gollar farqi yanada oshib ketdi.

To‘g‘ri, ushbu farqlar «Ayaks»ning kuchini eslatib tursa ham, bu liga kuchli beshlik orasidan joy olmagani ham bor gap. Buning ajablanarli joyi yo‘q. Eng qizig‘i, «Ayaks» o‘tkazib yuborilgan har bir goliga naq 14 ta to‘p bilan javob qaytarmoqda. Amsterdamliklar Chempionlar ligasi guruh bosqichida kutilmagan gollarni o‘tkazib yuboryapti. Lekin u yerda ham urilgan va o‘tkazib yuborilgan to‘plar nisbati ancha  hayratlanarli.

Ten Xaag shogirdlarining Gollandiya kubogidagi o‘yini xuddi virtual futboldagi ko‘rinishni eslatib yuboradi. Jamoa 3 uchrashuvda naq 18 marta raqiblari darvozasini ishg‘ol qilgan va o‘z postidan birorta ham to‘p olib chiqmagan.

Sodda qilib aytadigan bo‘lsak, «Ayaks» bu mavsum bahslarni ikki marta 9:0, to‘qqiz marta 5:0, ikki marta 4:0, 1 marta 5:1 hisoblarida yakunlagan. Ishonish qiyin, lekin bu fakt va kamdan kam uchraydigan holat.

Klub hozircha ketma-ket o‘nta g‘alaba bilan Chempionlar ligasi pley-off bosqichi masalasini hal qilishga yaqin turibdi. Ten Xaag shogirdlarini chorshanba kuni «Benfika»ga qarshi bahs kutib turibdi. O‘tkazib yuborilgan o‘yinlar soni esa bitta. Agar «Ayaks» ushbu uchrashuvlarni g‘alaba bilan yakunlasa, yevrokuboklar masalasini nazariy jihatdan muddatidan oldin hal qilgan birinchi jamoaga aylanishi mumkin.

«Ayaks»ning bu mavsumdagi barcha musobaqalar doirasidagi urgan va o‘tkazib yuborgan to‘plari farqi bilan  quyida tanishib chiqishingiz mumkin. Bu menimcha, barcha muxlisni hayratga solsa kerak.

Quyida e’tiboringizga jamoaning eng yaxshi to‘purarlarini havola etamiz. Zero, ular bugungi «Ayaks»ning haqiqiy qahramonlari.