Meksika chempionatining 9-turidan o‘rin olgan «Keretaro» – «Atlas» uchrashuvi Santyago-de-Keretarodagi «Korregidora» stadionida muxlislar ishtirokidagi shiddatli mushtlashuvdan so‘ng to‘xtatildi.
«Keretaro» Xulio Ferchning golidan so‘ng 60-daqiqada o‘z maydonida 0:1 hisobida mag‘lub bo‘layotgandi. Kutilmaganda tribunada mushtlashuv boshlandi. "Keretaro" muxlislari ham maydonga yugurib, VAR jihozlarini vayron qilishdi. Muxlislarning bir qismi yosh boladan raqib jamoa futbolkasini yechishga majbur qilishgan. Halok bo‘lganlar haqida hali ma’lumot berilmadi, faqatgina 22 nafar muxlis jarohat olgani haqida xabar berildi.
«Korregidora stadionida qabul qilib bo‘lmaydigan va baxtsiz zo‘ravonlik. Stadionda qo‘riqlash ta’minlanmagani uchun aybdorlar jazolanadi. Futbolchilarimiz va muxlislarimiz xavfsizligi ustuvor vazifa!», deb yozdi Meksika chempionati prezidenti Mikel Arriola o‘zining "Tvitter"dagi rasmiy sahifasida.
Xavfsizlik nuqtai nazaridan o‘yin qayta boshlanmadi va boshqa sanaga ko‘chiriladi. Liga voqea yuzasidan tergov ishlarini boshladi.
