Xalqaro futbol federasiyasi (FIFA) Polsha terma jamoasini avtomatik tarzda JCH-2022 saralash bosqichi finaliga olib chiqib, sport tamoyilini buzdi. Bu fikrni Shvesiya futbol ittifoqi bosh kotibi Xokan Shyostrand bildirdi. Uning fikrini TASS tashkilot matbuot xizmatiga tayanib bermoqda.
Saralash bosqichida polshaliklar 29 mart kuni Shvesiya va Chexiya terma jamoalari o‘rtasidagi bo‘lib o‘tadigan o‘yin g‘olibi bilan o‘ynaydi. 24 mart kuni bo‘lib o‘tishi kerak bo‘lgan yarim finalda Polsha termasi Rossiya terma jamoasi bilan uchrashishi kerak edi, biroq 28 fevral kuni FIFA va Yevropa futbol assosiasiyalari ittifoqi (UYEFA) Rossiya terma jamoasini xalqaro musobaqalarda ishtirok etishdan chetlatdi.
«O‘ylaymizki, sport nuqtai nazaridan polshaliklar boshqa raqibga qarshi o‘ynashi oqilona va adolatli bo‘lardi. Biz FIFA uchun bu qiyin vazifa ekanini tushunamiz, ammo shunga qaramay, bir xil shartlar bilan o‘ynash, ya’ni Jahon chempionati finaliga chiqish uchun ikkita o‘yin o‘tkazish va g‘alaba qozonish tamoyiliga amal qilish kerak” - dedi Shyostrand.
