Superligada yuzaga kelgan tanaffusdan foydalangan «Dinamo» va «So‘g‘diyona» klublari bugun, 25 mart kuni Samarqandda o‘zaro o‘rtoqlik bahsida maydonga tushishdi.
Yopiq eshiklar ostida o‘tgan bahsda har ikki jamoa bosh murabbiylari Predrag Rogan va Ulug‘bek Baqoyev ikki bo‘limda deyarli ikki xil tarkibni maydonga tushirdi. Uchrashuvning 15-daqiqasida Muzaffar Muzaffarov kuchli zarbasi bilan hisobni ochgan bo‘lsa, jizzaxliklar 65-daqiqada Ayubxon Numonovning goli evaziga hisobni tenglashtirishdi. O‘yin yakunida Norxonovning penaltidan yo‘llagan zarbasini zaxiradan maydonga tushgan darvozabon Arslonbek Ahrorov qaytarib qoldi va o‘yin durang natija bilan tugadi.
O‘rtoqlik o‘yini. Samarqand
«Dinamo» - «So‘g‘diyona» - 1:1 (1:0)
Gollar: M.Muzaffarov 15 – A.Numonov 65.
