Суперлигада юзага келган танаффусдан фойдаланган «Динамо» ва «Сўғдиёна» клублари бугун, 25 март куни Самарқандда ўзаро ўртоқлик баҳсида майдонга тушишди.
Ёпиқ эшиклар остида ўтган баҳсда ҳар икки жамоа бош мураббийлари Предраг Роган ва Улуғбек Бақоев икки бўлимда деярли икки хил таркибни майдонга туширди. Учрашувнинг 15-дақиқасида Музаффар Музаффаров кучли зарбаси билан ҳисобни очган бўлса, жиззахликлар 65-дақиқада Аюбхон Нумоновнинг голи эвазига ҳисобни тенглаштиришди. Ўйин якунида Норхоновнинг пенальтидан йўллаган зарбасини захирадан майдонга тушган дарвозабон Арслонбек Аҳроров қайтариб қолди ва ўйин дуранг натижа билан тугади.
Ўртоқлик ўйини. Самарқанд
«Динамо» - «Сўғдиёна» - 1:1 (1:0)
Голлар: М.Музаффаров 15 – А.Нумонов 65.