Marko Verratti italiyalik muxlislardan terma jamoa futbolchilarini haqorat qilmaslikni so‘radi.
Roberto Manchini shogirdlari JCH-2022 pley-offida Shimoliy Makedoniya terma jamoasiga mag‘lub bo‘ldi (0:1) va ketma-ket ikkinchi bor jahon chempionati finalini o‘tkazib yuboradi.
"G‘alaba qozonganingizda, barchaga minnatdorchilik bildirish oson. Bugun men buni nafaqat futbolchilar uchun, balki butun dunyodan Italiya terma jamoasi muxlislari uchun eng yorqin va jozibali turnirda o‘ynash imkoniyatidan mahrum qilgan mag‘lubiyatdan keyin amalga oshirmoqchiman.
Men barcha xodimlarga, futbolchilarga va terma jamoa uchun ishtiyoq bilan ishlayotgan barchaga rahmat aytmoqchiman. Afsuski, futbolda ham, hayotda ham barcha umidlar, maqsad va orzular amalga oshavermaydi.
Menimcha, haqorat bu bilan kurashishning eng yaxshi usuli emas, chunki har birimiz borimizni berdik, lekin afsuski, bu yetarli bo‘lmadi.
Birinchidan, yosh futbolchilarga tegmang, agar siz bizni, ya’ni, «qarilarni» haqorat qilmoqchi bo‘lsangiz, biz ham siz kabi oddiy odamlar ekanligimizni va hatto kichik narsalarda ham aql bovar qilmaydigan his-tuyg‘ularni boshdan kechirishimizni unutmang" deb post qoldirdi Italiya terma jamoasi yarim himoyachisi o‘zining "Instagram"dagi rasmiy sahifasida.
