Britaniyaning The Sun nashri Lvovning «Rux» jamoasini urush davridagi hayoti haqida maqola chop etdi.

Shuningdek, maqola muallifi futbolchilar va «sariq-qoralar»ning faxriy prezidenti bilan Rossiyaning harbiy operasiyasi paytidagi kundalik hayotiga qanday ta’sir qilgani haqida suhbatlashdi. Quyida maqoladan iqtibos keltiramiz.

Grigoriy Kozlovskiy «Rux» FK prezidenti: Agar Lvovga dushman kelsa, hamma qo‘liga qurol olib, oxirigacha turadi. Shu jumladan, futbolchilar ham. Keyin esa Rossiya Ukrainaga hujum qilganidan afsuslanadi" - dedi Kozlovskiy.

Bogdan Timovchuk, «Rux» matbuot xizmati xodimi: Avvallari biz futbolchilar yaxshi formada bo‘ladimi, uch ochkoni qo‘lga kirita olamizmi, degan xavotirda bo‘lardik. Endi biz faqat urush haqida qayg‘uramiz. Bizning "Instagram" sahifamiz o‘yinchilar haqidagi xabarlarga to‘la bo‘lardi va hozir esa ushbu sahifamiz qochqinlar va harbiylarga yordam berish uchun foydalanilmoqda" - dedi Timovchuk.