28 mart kuni O‘zbekiston milliy terma jamoasi a’zolari - Italiyaning "Roma" jamoasi futbolchisi Eldor Shomurodov, Saudiya Arabistoning "An-Nasr" jamoasi futbolchisi Jaloliddin Masharipov va "Paxtakor" jamoasi futbolchisi Odil Hamrobekovlar Namangan viloyat bolalar-o‘smirlar futbol akademiyasiga tashrif buyurishdi.
Terma jamoamiz futbolchilari dastlab akademiyada yaratilgan shart-sharoitlar bilan tanishib, tarbiyalanuvchilar bilan muloqot o‘tkazishdi. Muloqot jarayonida terma jamoamiz vakillari yosh futbolchilarga futbolda tinimsiz mehnat qilishlari lozimligi, kelajakda yaxshi futbolchi bo‘lish uchun yomon odatlardan voz kechib murabbiylarning ko‘rsatmalariga rioya qilishlari lozimligini aytib o‘tishdi.
Shuningdek, terma jamoamiz a’zolari tomonidan akademiyaning yosh tarbiyalanuvchilarga futbolchilarning dastxati tushirilgan futbol to‘plari sovg‘a qilishdi.