28 март куни Ўзбекистон миллий терма жамоаси аъзолари - Италиянинг "Рома" жамоаси футболчиси Элдор Шомуродов, Саудия Арабистонинг "Ан-Наср" жамоаси футболчиси Жалолиддин Машарипов ва "Пахтакор" жамоаси футболчиси Одил Ҳамробековлар Наманган вилоят болалар-ўсмирлар футбол академиясига ташриф буюришди.
Терма жамоамиз футболчилари дастлаб академияда яратилган шарт-шароитлар билан танишиб, тарбияланувчилар билан мулоқот ўтказишди. Мулоқот жараёнида терма жамоамиз вакиллари ёш футболчиларга футболда тинимсиз меҳнат қилишлари лозимлиги, келажакда яхши футболчи бўлиш учун ёмон одатлардан воз кечиб мураббийларнинг кўрсатмаларига риоя қилишлари лозимлигини айтиб ўтишди.
Шунингдек, терма жамоамиз аъзолари томонидан академиянинг ёш тарбияланувчиларга футболчиларнинг дастхати туширилган футбол тўплари совға қилишди.