Superliganing 4-turidan o‘rin olgan "Paxtakor" va "Navbahor" jamoalari uchrashuvidan oldin tashkiliy masalalar bo‘yicha yig‘ilish bo‘lib o‘tdi.
Unda bellashuvni yaxshi tashkil qilishda yordam beradigan turli masalalar - jamoalarga sharoitlar, muxlislarning tashrifi, uchrashuvdagi xavfsizlik masalalari va boshqa holatlar komissar hamda klublar vakillari tomonidan muhokama qilib o‘tildi.
"Paxtakor" bellashuvda sariq-ko‘k rangli libosda maydonga tushishi ma’lum bo‘ldi. Darvozabonimiz yashil rangli libosda o‘ynaydi. Mehmonlar esa oq rangli libosdan foydalanadigan bo‘ldi.