Суперлиганинг 4-туридан ўрин олган "Пахтакор" ва "Навбаҳор" жамоалари учрашувидан олдин ташкилий масалалар бўйича йиғилиш бўлиб ўтди.
Унда беллашувни яхши ташкил қилишда ёрдам берадиган турли масалалар - жамоаларга шароитлар, мухлисларнинг ташрифи, учрашувдаги хавфсизлик масалалари ва бошқа ҳолатлар комиссар ҳамда клублар вакиллари томонидан муҳокама қилиб ўтилди.
"Пахтакор" беллашувда сариқ-кўк рангли либосда майдонга тушиши маълум бўлди. Дарвозабонимиз яшил рангли либосда ўйнайди. Меҳмонлар эса оқ рангли либосдан фойдаланадиган бўлди.