«Lasio» markaziy himoyachisi Franchesko Acherbining hozirgi jamoasida qolishi dargumon.

Xabarlarga ko‘ra, 34 yoshli italiyalik futbolchi allaqachon agentidan unga yangi klub topishni so‘ragan.

Acherbi hali ham bir necha mavsumni yuqori saviyada o‘ynay olishiga ishonadi. Oldinroq matbuotda «Inter»ning tajribali himoyachiga qiziqish bildirilayotgani haqida xabarlar tarqalgan edi.

Transfermarkt tomonidan 5 million yevroga baholangan Franchesko Acherbi joriy mavsumda Rim jamoasi safida 28 ta o‘yinda maydonga tushib, 3 ta gol urdi.