«MYU» bosh murabbiyi Ralf Rangnik APL doirasida «Everton» jamoasidan (0:1) qabul qilib olingan mag‘lubiyat haqida fikr bildirdi.
«Biz bir jamoa bo‘lishimiz, yaxshilanishga harakat qilishimiz, to‘pga egalik qilishda hujumlarni rivojlantirish uchun ko‘proq variantlarni izlashimiz kerak. Ko‘p gol o‘tkazib yuboryapmiz, lekin bizning muammolarimiz unchalik ko‘p emas. To‘g‘ri, bugun o‘z darvozamiz dahlsizligini saqlab qolganimizda, ochko qo‘lga kiritgan bo‘lardik, ammo bu ham yetarli bo‘lmasdi. So‘nggi o‘yinlarda bizda urilgan gollar va xavfli vaziyatlar bilan bog‘liq muammolar bor.
Menimcha, 4-5 hafta oldin biz bu borada yaxshiroq edik. Ammo bugun biz o‘z kuchimiz bilan yetarlicha imkoniyatlar yarata olmadik», - dedi «Manchester Yunayted» bosh murabbiyi.
