Frankfurtning «Ayntraxt» klubi bosh murabbiyi Oliver Glasner Yevropa ligasi doirasida «Barselona»ga qarshi bo‘ladigan o‘yin haqida fikr bildirdi.
1/4 finalining dastlabki o‘yinida durang qayd etilgandi – 1:1.
- Birinchi o‘yindan keyin nimani o‘rgandingiz?
- Birinchi o‘yinning to‘qson daqiqasini tomosha qildik. Biz ko‘p ishlarni yaxshi bajardik, ammo himoyada biroz konsentrasiya yetishmadi. Bundan tashqari, samarali bo‘lish juda muhim bo‘ladi. Bizning misolimiz «Vilyarreal»dir, ular samaraliligi tufayli "Bavariya"ga qarshi durang o‘ynadi. Ertaga g‘alaba qozonishimiz uchun yaxshilanishimiz kerak.
- Frankfurtdagilar o‘yindan nima kutayotganini bilasizmi?
- Ha. Bu shaharda muhokama qilinadigan yagona mavzu. Ular bizga omad tilab, tabriklashadi. Bizni qo‘llab-quvvatlash uchun Barselonaga ko‘p odamlar kelishini bilamiz. Ular bizni qo‘llab-quvvatlash uchun "Kamp Noug"a kelishlari bizga katta yordam beradi.
- Birinchi o‘yinga nisbatan o‘yin tizimingiz ko‘p o‘zgaradimi?
- O‘yin davomida ustunlik qilmadik, ammo ba’zi nuqtalarda o‘yinni nazorat qildik. Bilamizki, ular ochiq maydonda hujum qilishga harakat qilishadi. Bizning maqsadimiz ambisiyali bo‘lishdir.
Ertangi bahs birinchi o‘yindan unchalik farq qiladi deb o‘ylamayman. Aniq narsa, biz himoyalanmoqchi emasmiz, chunki 90 daqiqa himoyalanishni imkoniyati yo‘q. Ularni himoyaga o‘tishiga majburlashimiz va noqulay holga keltirishimiz kerak.
- Javob uchrashuvi safarda bo‘lib o‘tishi noqulay emasmi?
- Mehmonda urilgan gollarning ikki barobar qiymati bo‘lmagani uchun shoshilinch ravishda gol urishimiz shart emas. Yevrokuboklardagi o‘yinlarimiz tarixiga nazar tashlasangiz, mehmonda juda yaxshi natijalarga erishganimizni ko‘rasiz”, - dedi Oliver Glasner.
