Goal nashri o‘z talqiniga ko‘ra 2 may kuni «Oltin to‘p» uchun nomzod futbolchilarning yangilangan reytingini e’lon qildi.

Qatorisiga 3 haftadan buyon reytingning eng yuqori pog‘onasini Karim Benzema («Real Madrid») egallab turibdi. Fransiyalik futbolchi kuni kecha La ligada g‘oliblikni qo‘lga kiritganini ta’kidlash lozim.

«Liverpul» forvardi Muhammad Saloh o‘tgan haftada ikkinchi o‘ringa ko‘tarilgan bo‘lsa, «Bavariya» futbolchisi Robert Levandovski uchinchi pog‘onaga tushgan edi. Bu safar ham ular mazkur pog‘onalarda qolishdi.

Top-20da ro‘y bergan asosiy o‘zgarishlardan biri — "Liverpul" himoyachisi Virjil van Deyk 15-o‘rinda paydo bo‘lib, "Bavariya" a’zosi Tomas Myuller kuchli yigirmatalikni tark etgani bo‘ldi. O‘tgan haftada top-20ga kirgan Tiago Alkantara bu safar 12-o‘ringa chiqib oldi.

Krishtianu Ronaldu va Lionel Messi top-20da ko‘rinish berishmadi.

Top-20lik bilan tanishing:

1 (1). Karim Benzema — «Real Madrid»
2 (2). Muhammad Saloh — «Liverpul»
3 (3). Robert Levandovski — «Bavariya»
4 (4). Kilian Mbappe — «PSJ»
5 (5). Sadio Mane — «Liverpul»
6 (6). Kevin de Bryuyne— «Manchester Siti»
7 (7). Luka Modrich — «Real Madrid»
8 (8). Vinisius Junior — «Real Madrid»
9 (9). Fil Foden— «Manchester Siti»
10 (10). Trent Aleksander-Arnold — «Liverpul».
11 (12). Bernardu Silva — «Manchester Siti»
12 (15). Tiago Alkantara — «Liverpul»
13 (13). Kristofer Nkunku — «Leypsig»
14 (14). Riyod Mahrez — «Manchester Siti»
15 (yangi). Virjil van Deyk — «Liverpul»
16 (11). Diogo Jota — «Liverpul»
17 (17). Joau Kanselu — «Manchester Siti»
18 (18). Luis Dias — «Liverpul»
19 (19). Xarri Keyn — «Tottenxem»
20 (20). Erling Xoland — «Borussiya Dortmund»

Izoh: qavs ichida reytingdagi avvalgi o‘rni berilgan.