"Manchester Siti" bosh murabbiyi Xosep Gvardiola Chempionlar ligasi yarim finalida "Real"dan qabul qilib olingan mag‘lubiyat uning kelajagiga qanday ta’sir qilishi haqida fikr bildirdi.
“Jamoa Chempionlar ligasida yaxshi o‘yin ko‘rsatdi. Albatta, turnirdan chiqib ketganimiz barchaning hafsalasini pir qildi, chunki biz finalga intilgandik. Biroq, bu omadsizlik kelajagimga ta’sir qiladi deb o‘ylamayman. Premyer-ligada erishmoqchi bo‘lgan maqsadim allaqachon amalga oshdi», - dedi ispaniyalik murabbiy Marca nashri bilan suhbatda.
Ispaniyalik mutaxassis 2016 yildan buyon “shaharliklar”ni boshqarib kelmoqda. Uning qo‘l ostida «Manchester Siti» 3 marta chempionlikni qo‘lga kiritdi, ammo Chempionlar ligasi sovrinini qo‘lga kirita olmagan.
