Pep Gvardiola “Vest Xem” bilan durangdan keyin (2:2) "Manchester Siti" va "Liverpul" jamoalari o‘rtasidagi chempionlik poygasi haqida fikr bildirdi.
“Haqiqatan ham yaxshi o‘yin bo‘ldi va shu bilan bir qatorda juda qiyin bo‘ldi. Bu stadionda kambek amalga oshirganimizdan juda xursandman. Ikkinchi bo‘lim yaxshi o‘tdi. Biz ochko oldik.
Bizni qiyin uchrashuvlar kutib turishini bilardik. O‘rtadagi to‘rt ochkodan keyin endi to‘plar farqi haqida hech qanday asos yo‘q, umuman fikr yo‘q.
Biz faqat "Aston Villa"ga qarshi g‘alaba qozonishimiz kerak. Agar buni uddalay olmasak "Liverpul" chempion bo‘ladi.
Biz chempionlikni nafaqat to‘pni nazorat qilish yoki shunga o‘xshash boshqa narsalarda qo‘lga kiritishimiz mumkinligini isbotlaymiz, balki boshqa jihatlar ham bor”, - dedi Gvardiola.
