“Andijon” jamoasining g‘alabalarida muxlislarning hissa katta bo‘layotganini inkor etib bo‘lmaydi. Har bir uchrashuvda ishqibozlarning stadiondagi muhitni yuqori darajaga keltirib, olqishlayotgani futbolchilarga qo‘shimcha motivasiya beryapti. Buni jamoaning har bir a’zosi juda yaxshi his qilib turibdi.
Masalan, jamoaning legioneri Goron Miloyko ham o‘z intervyusida andijonlik ishqibozlarga yuqori baho berib, qo‘llab-quvvatlashidan o‘ziga kuch olayotganini alohida aytib o‘tdi.
Pro liganing bu yilgi saviyasi ortayotganida shubhasiz andijonliklarning o‘rni beqiyos. Bunday qaynoq muhitdagi stadionda to‘p surish istalgan jamoaga rohat bag‘ishlaydi.
Muxlislarni stadionga chorlash borasida ham “Andijon” peshqadamlardan biri bo‘lib turibdi.
Masalan, 9-tur o‘yinlarida eng ko‘p ishqiboz aynan “Andijon” – “Buxoro” uchrashuvida kuzatildi.
9-tur uchrashuvlarida tomoshabinlar tashrifi
“Andijon” – “Buxoro” 9273 tomoshabin
“G‘ijuvon” – “Zomin” 856
“Xorazm” – “Turon” 950
“Mash’al” – “Sho‘rtan” 466
“Aral Samali” – “Yangiyer” 321
E’tiborga molik jihati shundaki, “Andijon” jamoamizning o‘z maydonidagi uchrashuvlarida borgan sari tomoshabinlar tashrifi ortib boryapti. Yuqoridagi jadvalda ko‘rganingizdek, “Bobur Arena”dagi har bir o‘yinda muxlislar autidoriyasi ko‘paymoqda.
“Andijon” fanatlari nafaqat O‘zbekistonda, balki boshqa mamlakatlarda ham yaxshigina ovoza bo‘lgan. Buni ular har bir uchrashuvda isbotlashyapti.
“Andijon” yana o‘z joyiga qaytib olishi yo‘lida ishqibozlarining jo‘shqinli ovozlarini eshitish yoqimli va betakror.
Oldinda esa 27 may kuni “Zomin”ga qarshi navbatdagi uchrashuv turibdi. Boya aytganimizdek, har bir o‘yin yangi chaqiriq. Andijonliklar uchun chinakam bayram.
