O‘zbekiston Professional futbol ligasi odatga ko‘ra, har oy Coca-Cola Superliganing eng yaxshi murabbiyi va futbolchisi, shuningdek, eng chiroyli golini aniqlab kelmoqda. Ortda qolgan may oyida Superligada 6 ta tur uchrashuvlari bo‘lib o‘tdi. Mazkur bellashuvlar davomida ko‘plab futbolchi va murabbiylar o‘zlarini ko‘rsatishga erishdi.

May oyining eng yaxshi murabbiyi bo‘lish uchun nomzodlar

Mirjalol Qosimov (AGMK) – 6 o‘yin, 4 g‘alaba, 2 durang, to‘plar farqi 12:4

Samvel Babayan (“Navbahor”) – 5 o‘yin, 4 g‘alaba, 1 durang, to‘plar farqi 7:3

Ulug‘bek Baqoyev (“So‘g‘diyona”) – 5 o‘yin, 3 g‘alaba, 2 mag‘lubiyat, to‘plar farqi 12:7

Ro‘ziqul Berdiyev (“Nasaf”) – 5 o‘yin, 4 g‘alaba, 1 durang, to‘plar farqi 12:2

May oyining eng yaxshi futbolchisi bo‘lish uchun nomzodlar

Pol Komolafe (“Qizilqum”) – 6 o‘yin, 4 gol

Xurshid G‘iyosov (AGMK) – 6 o‘yin, 3 gol, 1 assist

Yovan Jokich (“Navbahor”) – 5 o‘yin, 1 gol, 226 aniq uzatma, 44 ta yakkakurashda g‘olib

Aleksandr Stanisavlevich (“Qizilqum”) – 6 o‘yin, 1 gol, 5 assist

Abduvohid Ne’matov (“Nasaf”) – 4 o‘yin, 3 quruq o‘yin, 5 seyv

Shohruz Norxonov (“So‘g‘diyona”) – 5 o‘yin, 3 gol, 2 assist

O‘tkir Yusupov (“Navbahor”) – 5 o‘yin, 3 quruq o‘yin, 7 seyv

Oliver Sharkich (“Paxtakor”) – 5 o‘yin, 3 gol

Oybek Bozorov (“Nasaf”) – 5 o‘yin, 5 gol

May oyining eng chiroyli goliga nomzodlar

Jasur Hasanov (“So‘g‘diyona” – “Metallurg” uchrashuvida kiritgan goli)

Yovan Jokich (“Navbahor” – “Bunyodkor” uchrashuvida kiritgan goli)

Xurshidbek Muxtorov (“Lokomotiv” – “Qo‘qon-1912” uchrashuvida kiritgan goli)

Oybek Bozorov (“Bunyodkor” – “Nasaf” uchrashuvida kiritgan goli)

Dragan Cheran (“Lokomotiv” – “Paxtakor” uchrashuvida kiritgan goli

Damir Temirov (“Metallurg” – “Dinamo” uchrashuvida kiritgan goli)

Sirojiddin Qo‘ziyev (AGMK – “Neftchi” uchrashuvida kiritgan goli)

Sharof Muhitdinov (“Bunyodkor” – “Nasaf” uchrashuvida kiritgan goli)

Dragan Cheran (“Qo‘qon-1912” – “Paxtakor” uchrashuvida kiritgan goli)

Oybek Bozorov (“Nasaf” – “Qizilqum” uchrashuvida kiritgan goli)

Eslatib o‘tamiz, ovoz berish jarayonida Coca-Cola Superliga klublari bosh murabbiylari va sardorlari hamda muxlislar ishtirok etishadi. Coca-Cola Superliganing 14 klubi bosh murabbiylari hamda sardorlari ko‘rsatilgan nomzodlarni uchtalikka joylashtirib chiqadi.

Shuningdek, bu yildan e’tiboran O‘zPFL ushbu ovoz berish jarayonida championat.asia, sports.uz, tribuna.uz, stadion.uz nashrlari hamda Coca-Cola Superligasi rasmiy brodkasteri hisoblangan SPORT TV dan ham ovozlar oladi.

Dastlabki o‘rinda ko‘rsatilgan nomzod 3, mos ravishda keyingi ikki o‘rindagilar 2 va 1 ochkolik bo‘ladi. O‘zPFL tomonidan futbol muxlislari o‘rtasida o‘tkazilgan so‘rovnoma natijasi esa bosh murabbiylar, jamoa sardorlari hamda sport nashrlari o‘rtasida o‘tkazilgan so‘rovnoma natijalariga qo‘shiladi. Bunda muxlislar ovozi katta ahamiyatga ega bo‘lib, birinchi o‘rinni egallagan nomzod 6, mos ravishda keyingilar 4 va 2 ochkodan qo‘lga kiritadi. Yakunda eng ko‘p ball to‘plaganlar oyning eng yaxshilari sifatida e’tirof etiladi.