Istomin 2005 yilning 20 iyun kuni e’lon qilingan haftalik reytingda sobiq tennischimiz Farrux Do‘stovni ortda qoldirib, O‘zbekistonning birinchi raketkasiga aylangan edi. Professional faoliyatini boshlaganidan keyin 1 yil o‘tib, birinchi raqamli tennischiga aylangan Istomin o‘shanda 19 yosh edi. Shundan buyon taxtni hech kimga boy bermagan Istomin yangilangan haftalik reytingda Humoyun Sultonovni o‘tkazib yubordi. Sultonov bu hafta o‘z o‘rnidan 12 pog‘ona yuqoriladi va mamlakatimizning birinchi raketkasi aylandi. Yangilangan ATR reytingida Humoyun Sultonov 370-o‘rinda qayd etilgan bo‘lsa, Denis Istomin 373-pog‘onaga joylashgan.

Aytish kerakki, ushbu yillar davomida Denis Istomin o‘zbek tennisini o‘z yelkasida "ko‘tarib" yurdi. Bir necha yillar davomida dunyoning Top-100 tennischilari qatorida turdi va "Katta Dubulg‘a" turnirlarida yurtimiz sharafini munosib himoya qildi. Afsuski, oxirgi 15 yilda Istomindan boshqa tennischilarimiz "katta" turnirlarda umuman ko‘rinish bermadi. Yosh tennischilarimiz hozir ham "Fyuchers" va "Chellenjer" turkumiga kiruvchi turnirlardan nariga o‘ta olishmayapti. 

olamsport.com saytida yozilishicha Denis Istominning ATR reytingidagi eng yaxshi natijasi 33-o‘rin bo‘lgan. U bu ko‘rsatkichni 2012 yilda qayd etgan edi.