Voetball International xabariga ko‘ra, "Leypsig" "Ayaks" yarim himoyachisi Edson Alvaresga qiziqish bildirmoqda.

Manbaning xabariga ko‘ra, nemis klubi 24 yoshli meksikalik uchun 30 million yevro to‘lashga tayyor.

Qayd etilishicha, futbolchiga Premyer-liga klublari ham qiziqish bildirmoqda. Mart oyida futbolchiga "Kristal Pelas" da’vo qilgani xabar qilingandi.

Alvares "Ayaks"da 2019 yilning iyulidan beri to‘p tepadi. 2021/22 yilgi mavsumda yarim himoyachi jamoasi safida 40 ta o‘yinda maydonga tushib, 5 ta gol urdi va 1 ta golli uzatmani amalga oshirdi. Transfermarkt.com portali meksikalik futbolchining narxini 22 million yevroga baholamoqda.