Voetball International хабарига кўра, "Лейпциг" "Аякс" ярим ҳимоячиси Эдсон Альваресга қизиқиш билдирмоқда.
Манбанинг хабарига кўра, немис клуби 24 ёшли мексикалик учун 30 миллион евро тўлашга тайёр.
Қайд этилишича, футболчига Премьер-лига клублари ҳам қизиқиш билдирмоқда. Март ойида футболчига "Кристал Пэлас" даъво қилгани хабар қилинганди.
Альварес "Аякс"да 2019 йилнинг июлидан бери тўп тепади. 2021/22 йилги мавсумда ярим ҳимоячи жамоаси сафида 40 та ўйинда майдонга тушиб, 5 та гол урди ва 1 та голли узатмани амалга оширди. Transfermarkt.com портали мексикалик футболчининг нархини 22 миллион еврога баҳоламоқда.
