"Roma" bosh murabbiyi Joze Mourinyo klubning transfer bozoridagi harakatlaridan norozi, deb xabar beradi Correira Dello Sport.
Manba bergan xabarga ko‘ra, murabbiy yaqinda bo‘lib o‘tgan yig‘ilishda buni rahbariyatga bildirgan. Bu borada Rim klubi Argentina terma jamoasi hujumchisi Paulo Dibalani qo‘lga kiritishga harakat qilmoqda.
Shu yozda “Roma” himoyachi Zeki Chelikni (“Lill”, 7 million yevro) sotib oldi, shuningdek, erkin agentlar darvozaboni Mile Svilar (“Benfika”) va yarim himoyachi Nemanya Matich (“Manchester Yunayted”) bilan shartnoma imzoladi. Shu bilan birga, darvozabonlar Pau Lopes (“Marsel”, 12 million yevro), Robin Olsen (“Aston Villa”, 3,5), Daniel Fuzato (“Ibisa”, tekin) va Stefano Greko (erkin), himoyachilar Alessandro Florensi (“Milan”, 2,7), Brayan Reynolds ("Vesterlo", ijara) va Davide Santon (erkin), yarim himoyachilar Rikkardo Ciyervo ("Sassuolo", 2), Tommaso Milanese ("Kremoneze", 0,75), Genrix Mxitaryan ("Inter, erkin), hujumchi Jengiz Under ("Marsel", 8,4) jamoani tark etishdi.
