Madridning “Atletiko” klubi hujumchisi Alvaro Morata Ispaniya chempionatining 1-turida “Xetafe”ga (3:0) qarshi o‘yindan so‘ng, klubda qolishni istayotganini aytdi. Oldinroq ispaniyalik hujumchi "Manchester Yunayted"ga o‘tishi mumkinligi haqida xabarlar tarqalgan edi.
"Men bu yerda o‘ynashni va "Atletiko" uchun ko‘plab musobaqalarda ishtirok etishni juda xohlayman. Har doimgidek bu yerda ekanligimdan xursandman. Men ishlashda davom eta olaman va har bir o‘yinda jamoaga natija keltirishga harakat qilaman. "Atletiko" dunyoning eng yaxshi klublaridan biri. Ha, transfer takliflari bor, men bu borada hech narsa qila olmayman, faqat ishlashda davom etaman. Men bu yerda baxtliman va o‘ynashni davom ettirmoqchiman", - deya Morata so‘zlarini keltiradi Marca.
"Xetafe" bilan o‘yinda 29 yoshli hujumchi dubl qayd etdi. Morata so‘nggi ikki mavsumni "Yuventus"da ijara asosida o‘tkazdi. Hujumchi A Seriyada 67 ta uchrashuvda 20 ta gol urdi va 16 ta golli uzatmani amalga oshirdi. Uning "matraschilar" bilan shartnomasi 2023 yilning 30 iyuniga qadar tuzilgan.
