Yangi maqsadlar sari dadil qadam tashlayotgan "Andijon" O‘zbekiston Kubogida ham yurishini davom ettirayotganidan xabaringiz bor.

3 sentyabr kuni “Andijon” chorak finalda AGMK klubini qabul qiladi.

E’tiborlisi, O‘zbekiston Kubogi chorak finaliga yo‘l olgan 8 ta kuchli jamoa orasida pro ligadan faqat andijonliklar bor.

Xo‘sh, “Andijon” futbol klubi O‘zbekiston Kubogi tarixida necha marotaba chorak finalga yetib kelgan?

O‘zbekiston Kubogi tarixidagi "burgutlar"ning hozircha eng yuqori natijasi aynan chorak final bo‘lib turibdi. Umumiy hisobda jamoa bu bosqichga 9 marta yetib kelgan bo‘lib, oxirgi bor 2018 yili ishtirok etgan va o‘shanda chorak finalda “Bunyodkor”ga imkoniyat boy berilgan. Bu safar “Andijon” o‘z tarixida 10-marotaba O‘zbekiston Kubogi chorak finaliga yo‘llanmani qo‘lga kiritdi.

Jamoaning O‘zbekiston Kubogi chorak finalidagi natijalari

1992 yil
Chorak final
“Navro‘z” –“Navbahor” – 0:1; 1:3

1993 yil
Chorak final
“Navbahor” – “Navro‘z” – 4:2; 0:1

2000\2001
Chorak final
“Andijon” – “Neftchi” – 1:3

2001\2002
Chorak final
“Andijon” – “Qizilqum” – 1:4; 0:5

2007 yil
Chorak final
“Quruvchi” – “Andijon” – 3:0; 1:0

2010 yil
Chorak final
“Bunyodkor” – “Andijon” – 4:1; 3:1

2012 yil
Chorak final
“Andijon” – “Paxtakor” – 1:2; 0:2

2016 yil
Chorak final
“Andijon” – “Nasaf” – 0:2; 1:2

2018 yil
Chorak final
“Andijon” – “Bunyodkor” – 1:2