Hujumchi Edinson Kavani faoliyatini “Valensiya”da davom ettiradi. Ispan klubi matbuot xizmati xabariga ko‘ra, 35 yoshli urugvaylik futbolchi klub bilan shartnoma imzoladi.
Oldinroq tomonlar “1+1” sxemasi bo‘yicha kelishuv tuzishlari haqida ma’lumotlar paydo bo‘lgandi.
Kavanining so‘nggi jamoasi "Manchester Yunayted" bo‘lib, futbolchining shartnomasi 2022 yilning 30 iyunida yakuniga yetgan. Forvard erkin agent maqomida "ko‘rshapalaklar" bilan shartnoma imzoladi.
O‘tgan mavsumda Kavani "qizil iblislar" safida barcha turnirlarda 20 ta o‘yinda maydonga tushib, 2 ta gol urdi va 1 ta golli uzatmani amalga oshirdi.
