Qishda "Barselona" ko‘p maosh oladigan futbolchilar bilan xayrlashmoqchi.
Qishki transfer oynasida "Barsa" yozda boshlagan ishlarini yakunlamoqchi. Kataloniya klubining asosiy maqsadi yana maoshni kamaytirish bo‘ladi. Yozda jamoaning hozirgi futbolchilaridan hech biri maoshini qisqartirishga rozi bo‘lmagandi. Faqat bir nechta o‘yinchilar - Martin Breytueyt, Miralem Pyanich va Riki Puchning ketishi tufayli maoshni kamaytirish mumkin bo‘ldi.
Qishda "Barselona" eng yuqori maosh oladigan va jamoa murabbiylar shtabi uchun unchalik muhim bo‘lmagan futbolchilar bilan xayrlashmoqchi. Bunda gap yarim himoyachi Frenki de Yong, himoyachilar Jerar Pike va Xordi Alba, shuningdek, hujumchi Memfis Depay haqida ketmoqda.
Ularning barchasi "Barselona"ning eng ko‘p maosh oluvchi futbolchilari qatoriga kiradi.
Qolaversa, qishda kataloniyaliklar tarkibni muvozanatlashtirmoqchi. Jamoada hozirda beshta markaziy himoyachi va uchta chap qanot himoyachisi bor. "Barsa" direktori Mateu Alemani ushbu pozisiyalarda muntazam o‘yin amaliyotiga ega bo‘lmagan futbolchilarni tark etish ustida ish olib boradi.
