"Volfsburg" yarim himoyachisi Maksimilian Arnold Germaniya terma jamoasiga chaqirildi. "Bundestim" rasmiy sayti futbolchi avvalroq jamoadoshi Manuel Noyer bilan birgalikda COVID-19 testi ijobiy chiqqan "Bavariya" futbolchisi Leon Goreskaning o‘rnini egallashini e’lon qildi.
Arnold Germaniya terma jamoasidagi debyutini 2014 yilning may oyida Polshaga qarshi o‘rtoqlik o‘yinida o‘tkazgan edi. Biroq futbolchi Yoaxim Lyovning Braziliyada bo‘lib o‘tadigan Jahon chempionati uchun so‘nggi qaydnomasidan joy olmagandi. O‘shandan beri Maksimilian o‘z terma jamoasida ikkita o‘yin o‘tkazdi.
Bundesliganing yangi mavsumida Arnold 7 uchrashuvda birorta ham samarali harakatlarni amalga oshira olmadi.
