"PSJ" hujumchisi Lionel Messi o‘zini o‘tgan yilgidan ancha yaxshi his qilayotganini aytdi.

Eslatib o‘tamiz, parijliklar safidagi debyut mavsumida argentinalik futbolchi Fransiya chempionatining 26 uchrashuvida 6 ta gol urgan va 14 ta golli uzatmani amalga oshirgan. Futbolchi yangi mavsumning 8 ta uchrashuvida 4 ta gol va 7 ta golli uzatmani amalga oshirdi.

"O‘zimni ajoyib va ​​o‘tgan mavsumga nisbatan butunlay boshqacha his qilyapman. Men shunday bo‘lishini bilardim. Bu yoz men butunlay boshqacha bo‘lib qaytdim. Klubda o‘zimni qulayroq his qildim. Endi men yana quvnoq bo‘lyapman", - dedi Messi Adriyen Grenye bilan suhbatda.

Eslatib o‘tamiz, bugun Messi Argentina terma jamoasi safida Gondurasga qarshi o‘rtoqlik o‘yinida dubl qayd etdi va unda Argentina terma jamoasi 3:0 hisobida g‘alaba qozongandi.