"PSJ" Fransiya chempionatining 12-turida safarda "Ayachcho"ni mag‘lub etdi. Uchrashuv 3:0 hisobida yakunlandi.
Parijliklarning gollariga Lionel Messi va Kilian Mbappe (dubl) mualliflik qilishdi. Uchrashuvda Messi ikkita, Mbappe bitta golli uzatmani amalga oshirdi.
"PSJ" Liga 1 mavsumidagi 10-uchrashuvida g‘alaba qozondi. Jamoada ikkita durang ham mavjud. "Qizil-ko‘klar" turnir jadvalida birinchi o‘rinni egallab turibdi (32 ochko). "Ayachcho" 18-pog‘onada (8 ochko).
"PSJ" navbatdagi turda 29 oktyabr kuni "Trua"ni qabul qilsa, 30 oktyabr kuni "Ayachcho" safarda "Oser" bilan o‘ynaydi.
Gollar: Mbappe, 24 (0:1). Messi, 78 (0:2). Mbappe, 82 (0:3)
Ayachcho: Lerua, Yussuf, Avinel, Gonzalez, Kone (Diallo, 74), Kutader, Marketti, El Idrissi (Barreto, 74), Mussiti-Oko (Nuri, 57), Bayyala (Amuma, 57), Belaili (Mangani, 83)
PSJ: Donnarumma, Xakimi, Markinyos (Bitshiabu, 83), Bernat, Mukyele, Verratti, Ruis (Zair-Emeri, 83), Renatu Sanchesh (Vitinya, 62), Soler (Sarabiya, 71), Mbappe (Ekitike, 83), Messi
