Chemmpionlar ligasining bu mavsumi ham o‘ziga xos ruhda davom etyapti. Unda turli xil rekordlar ham yangilanib turibdi. Bugun liga tarixidagi eng tez xet-trik qayd etgan futbolchilarni ko‘rib chiqamiz.
Muhammad Saloh - 6 daqiqa
"Liverpul" hujumchisi har doim o‘zining tezligi bilan boshqa jamoadoshlaridan ajralib turgan, ammo yaqinda "Reynjers"ga qarshi o‘yinda u o‘zini ham lol qoldira oldi. Muhammadga uchta gol urish uchun bor-yo‘g‘i 6 daqiqa 12 soniya kerak bo‘ldi. Ajoyib natija!
Bafetimbi Gomis - 8 daqiqa
2011 yilda "Lion"ga Zagrebning "Dinamo"sini 7:1 hisobida mag‘lub etishga yordam bergan Bafetimbi Gomisning xet-trikini bajarish uchun biroz ko‘proq vaqt kerak bo‘ldi. Hujumchi sakkiz daqiqada bu natijaga erishgandi.
Mayk Nyuyell - 9 daqiqa
1995 yilda “Blekbern Rovers” o‘z uyida Norvegiyaning "Rusenborg" klubi ustidan yirik g‘alabaga erishdi. Mezbonlarning 3 ta goli Nyuyellga tegishli bo‘lgan.
Robert Levandovski - 10 daqiqa
Robert Levandovski o‘tgan mavsumda rekordchiga aylandi. "Bavariya"da o‘ynab yurgan polshalik "Zalsburg" bilan o‘yin boshida jamoaga 3 barobar ustunlikni taqdim etdi. Dastlab hujumchi penaltidan ikkita gol urdi, keyin esa o‘yin jarayonidan bitta gol qo‘shib qo‘ydi – atigi 10 daqiqa 22 soniyada.
Rahim Sterling - 11 daqiqa
Chempionlar ligasida birdaniga bir nechta futbolchilar 11 daqiqa ichida xet-trik qayd etishgan. Ulardan biri 2019-yilda “Atalanta” himoyasini ayamagan Rahim Sterling bo‘ldi: 11 daqiqa 13 soniyada uchta gol.
Krishtianu Ronaldu - 11 daqiqa
2015 yilda "Real Madrid" klubi tarixidagi eng esda qolarli o‘yinlardan birini o‘tkazdi. Shvesiyaning “Malmyo”siga qarshi Krishtianu Ronaldu yana porladi! O‘shanda u 11 daqiqa 15 soniyada xet-trik qayt etgandi.
Luis Adriano - 12 daqiqa
Belorusning “BATE” jamoasi Doneskning “Shaxtyor” jamoasida 7:0 hisobida mag‘lubiyatga uchratgan o‘yinda hujumni yaxshi ma’noda o‘zini ushlab tura olmadi.
Xo‘sh Erlin Xoland ham bu futbolchilar ro‘yxatiga kira oladimi?
Saloh va boshqa futbolchilarning tezligi, albatta, hayratlanarli, ammo mashhur misrlikning natijasini tez orada yaxshilay oladigan futbolchi bo‘lishi kerak. Erling Xoland "Manchester Siti" bilan tarix yaratishni maqsad qilgan.
