"Spartak"ning sobiq prezidenti Leonid Fedunning sobiq maslahatchisi Franko Kamossi avvalroq "qizil-oqlar"da o‘ynagan 21 yoshli hamyurtimiz Oston O‘runov haqida o‘z fikrlari bilan o‘rtoqlashdi.
Eslatib o‘tamiz, 25 oktyabr kuni "Ural" O‘runov bilan shartnomani tomonlarning o‘zaro kelishuviga ko‘ra bekor qilganini ma’lum qilgandi. Yekaterinburg jamoasi safida futbolchi uchta o‘yin o‘tkaza oldi va ularda gol ura olmadi.
“O‘runov juda past saviyali futbolchi. U qanday qilib "Spartak"ga kelgani, qanday qilib bunday katta klubga kirib qolgani men uchun haligacha sir bo‘lib qolmoqda. Aytgancha, men uni sotib olmaslikni maslahat bergandim", - dedi Kamossi "RB Sport" bilan suhbatda.
O‘runov 2020 yildan 2022 yilgacha “Spartak” safida to‘p surgan va jami 9 ta o‘yin o‘tkazib, bitta gol urgan.
