"Bavariya" yarim himoyachisi Marsel Zabitser qishki transfer oynasida jamoani tark etmaydi. Jurnalist Fabrisio Romanoning so‘zlariga ko‘ra, avstriyalik futbolchi bunday variantni o‘ylab ham ko‘rmayapti.

Zabitser har doim ham "Bavariya"ning asosiy o‘yinchisi bo‘lmasa-da, futbolchi jarohatidan tiklanganidan keyin Leon Goreska bilan asosan tarkibdagi o‘rin uchun kurashni davom ettirishga qaror qildi.

Joriy mavsumda Zabitser Germaniya chempionatida bitta gol urdi va bitta golli uzatmani amalga oshirdi. "Bavariya" kelasi yozda Konrad Laymerni tekinga sotib olishi aniq. Shunda Marsel Myunxenni tark etishi mumkin.