"Бавария" ярим ҳимоячиси Марсель Забитцер қишки трансфер ойнасида жамоани тарк этмайди. Журналист Фабрицио Романонинг сўзларига кўра, австриялик футболчи бундай вариантни ўйлаб ҳам кўрмаяпти.
Забитцер ҳар доим ҳам "Бавария"нинг асосий ўйинчиси бўлмаса-да, футболчи жароҳатидан тикланганидан кейин Леон Горецка билан асосан таркибдаги ўрин учун курашни давом эттиришга қарор қилди.
Жорий мавсумда Забитцер Германия чемпионатида битта гол урди ва битта голли узатмани амалга оширди. "Бавария" келаси ёзда Конрад Лаймерни текинга сотиб олиши аниқ. Шунда Марсель Мюнхенни тарк этиши мумкин.
